Guerra, War, война, Krieg, Guerre, Cogadh, الحرب, Rhyfel, Bap... en calquera lingua que se diga, sempre se está a falar dunha traxedia. Nas guerras, os seres humanos inocentes, bos e honrados perden sempre; só gañan os malvados, os asasinos, os que carecen de escrúpulos.

A guerra acompaña á Humanidade dende o principio da súa existencia e hoxe segue causando miles de vítimas en moitos lugares do mundo.

A Gran Guerra (1914-1918) foi a primeira que causou a destrución a grande escala e mostrou a capacidade do ser humano de  ser cruel até límities inimaxinables deica ese momento.

Novelas, poemas, películas, pinturas, esculturas... obras de arte que describen os traumas causados polas guerras, e así a beleza ocupa o lugar da miseria, a morte, a fame, a desolación e a soedade.

Teño un encontro coa Morte nalgunha disputada barricada, cando a primavera volva con rumorosa sombra e o recendo a mazá no aire-- teño un encontro coa Morte cando coa primavera volvan os fermosos días azuis.

Pode ser que me colla da man e levarame á súa terra escura e pecharame ollos e apagarame o alento-- Pode ser que logre pasar por diante del, silandeiro. Teño un encontro coa Morte En algún outeiro esmagado e esquecido, cando este ano volva a primavera e saian as primeiras flores no prado.

Deus sabe que estabamos mellor acomodados en seda e perfumados, onde o amor latexa nun pracenteiro soño, pulso preto do pulso, e o alento do alento, onde os mellores espertares son silandeiros… Pero teño un encontro coa Morte A medianoite nalgunha vila ardendo, cando a primavera viaxe ao norte outra vez, e eu sempre cumpro o que digo, non faltarei ao encontro.

Alan  Seeger

Ao viaxeiro curioso estalle permitido traer recordos das súas viaxes. Así, de cando en vez, a memoria revive os momentos máis pracenteiros do percorrido e o viaxeiro volve coa mente aos lugares que xa está desexando volver visitar. A segunda visita sempre é mellor que a primeira: á sorpresa deixa paso ao coñecemento.