Noticias de interés - Gallaecia Libros


Listado de noticias:


Desde 181 hasta 186 de 216 elementos

<< Anterior 1 ... 23 24 25 26 27 28 29 30 3132 33 34 35 36Siguiente >>

Os Nosos Trinques: Luis Seoane, compromiso e paixón creadora. De Seoane e sobre Seoane (21 de setembro a 21 de outubro)

Gallaecia Libros - 21/09/2015
Ver noticia

LUIS SEOANE

A peripecia vital e intelectual de Luis Seoane non supón tanto o esforzo de levar a cabo unha obra ampla e coherente, como a vontade de devolverlle á plástica e ao pensamento galego a dignidade perdida polos anos de illamento e atraso: unha creatividade apaixonadamente comprometida co seu tempo.  A vida de Luis Seoane (Buenos Aires 1910-A Coruña 1979) foi unha longa viaxe á través do século XX. Formado na época da ditadura de Primo de Rivera, loitador nos anos da República, fuxido en 1936, organizador e promotor da vida cultural no exilio, viaxeiro polo mundo e atento aos múltiples discuros que ía xerando a súa época, Seoane foi testemuña de excepción deste século axitado e convulso. A súa obra, vasta e diversificada, o seu pensamento aberto, as súas iniciativas, convérteno nun personaxe destacado no panorama da cultura galega e española do século XX, que axudou a construír co seu esforzo, o seu talento e o seu compromiso.

1910 Nace en Bos Aires, nun fogar de emigrantes galegos. 1916 Volve cos seus pais a Galicia, instalándose na Coruña, onde realiza os sus primeros estudos. 1920 Trasládase a Santiago de Compostela, onde estuda bacharelato e se licencia en Dereito e Ciencias Sociais en 1932. 1927-1933 Milita en partidos de esquerda republicana e autonomista. Ilustra libros e revistas. Realiza as súas primeiras exposicións. 1934 Trasládase á Coruña, onde exerce como abogado laboralista. Amizade e tertulias con Huici, Cebreiro, Fernández Mazas, Del Valle, Julio J. Casal, Francisco Miguel… Ingresa no Partido Galeguista. 1936 Participa na campaña do Estatuto de Autonomía. Ao estalar a guerra agóchase, e en setembro foxe a Bos Aires. 1937 Publica o seu primero libro, Trece estampas de la traición. 1940 Funda as coleccións “Hórreo” e “Dorna” en EMECÉ Editores. 1943 Funda a revista Correo Literario e a Editorial Nova. 1945 Homenaje a la Torre de Hércules é galardonado en Nova York xunto á Histoire Naturelle de Buffon, ilustrada por Picasso. 1948 Funda a editorial Botella al Mar. Expón en Bos Aires e Caracas. 1949 Viaxa a Europa. Expón en Londres. Coñece a Henry Moore, Herbert Read, Lucien Freud, Pablo Picasso, Óscar Domínguez. 1952-1962 Exposicións en Nova York. Funda a revista Galicia Emigrante e a editorial Citania. Medalla da Exposición Universal de Bruxelas e do Senado da Nación Argentina (1958). Premio Palanza (1962). 1963-1979 Realiza exposicións en España, Alemania, Italia, Suíza, Brasil… Cofundador de Sargadelos e do Museo Carlos Maside. Morre en 1979.

[...]
      Leer más...

Os Nosos Trinques: Viaxeiros en Galicia

Gallaecia Libros - 05/08/2015
Ver noticia

Ao longo da Historia un gran número de ilustres viaxeiros foron deixando constancia escrita en forma de diarios, cartas, memorias, relacións ou relatos –cos elementos característicos e diferenciábeis que cada época marca–, das impresións e experiencias que Galicia lles suscitou. Así o fixeron dende a Idade Media, dende a Europa dos santuarios e as peregrinacións, dende a Compostela fin de traxecto dunha das máis prodixiosas rutas de peregrinación, o Camiño de Santiago, sen o cal non se podería entender a proxección internacional desta terra, dende a súa catedral e o Liber peregrinationis alí conservado, primeira guía para camiñantes do vello continente. Camiñantes, viaxeiros, heteroxénea masa de comerciantes, xograres, poetas, peregrinos e escultores, aristócratas ou plebeos, guerreiros, malandríns e eclesiásticos que, guiados por razóns diversas e dende os máis remotos lugares da terra, seguiron nos séculos posteriores elixindo Galicia como destino.

[...]
      Leer más...

Os Nosos Trinques: Viaxeiros en Galicia

Gallaecia Libros - 04/08/2015
Ver noticia

Até aquí chegaron tamén, xa polo XVII e deixando atrás a senda dos aventureiros, viaxeiros en misións diplomáticas e políticas, como simple acompañamento a un abade na súa visita aos mosteiros, como preceptores ou por motivos científicos ou de instrución, que tan amplo desenvolvemento acadarán despois cos viaxeiros ilustrados do XVIII, cobizosos de coñecemento e degoirados de traspasaren a realidade circundante, despregando todas as súas posibilidades de sentimento, pensamento e acción. No XIX o poder da razón é substituído polo dominio da subxectividade, e os viaxeiros románticos buscaron o exótico, o diferente, iniciando unha maneira de viaxaren que sería o precedente do noso turismo de masas...

[...]
      Leer más...

Os Nosos Trinques: Viaxeiros en Galicia

Gallaecia Libros - 03/08/2015
Ver noticia

Esta escolma de textos constitúe unha fonte moi valiosa de datos e unha curiosísima información sobre todos aqueles aspectos de cada día que escapan á historia dos grandes acontecementos, pero que conforman, xa que logo, o enleado da realidade cotiá.

[...]
      Leer más...

Os Nosos Trinques: Viaxeiros en Galicia

Gallaecia Libros - 03/08/2015
Ver noticia

Galicia e a súa paisaxe, as súas xentes, caracteres e costumes, a riqueza monumental e artística xunto ao seu desenvolvemento social e económico ou o estado dos seus camiños e pousadas son os  temas tratados nestes libros, todos dos viaxeiros-escritores non galegos que por esta terra se desprazaron dende unhas épocas afastadas no tempo. Ilustrados con debuxos, gravados e fotografías que proporcionan imaxes reais da vida de Galicia, son exemplares imprescindibles para coñecer como foi a historia cotiá dos nosos ancestros.

[...]
      Leer más...



                                                                                                                                                                                                                                                                                   
Subir